අන්තර්ජාලය අපට ලැබෙන්නේ කොහොමද? -පළමු ලිපිය-(සමුද්‍රස්ථ රැහැන් ජාලය(Submarine Internet Cable Backbone))

11:13 AM , 5 Comments

හැමදාමත් අන්තර්ජාල සම්බන්ධතාවක් භාවිත කලාට  එය අන්තර්ජාලයට  සම්බන්ධ වෙන ආකාරය ගැන  හුඟක් අයට ලොකු දැනුමක් නෑ. ඒක නිසා අන්තර්ජාල  සේවා සපයන ආයතනය අපව අන්තර්ජාලයට සම්බන්ධකරන්නෙ කොහොමද කියන ගැන මේ ලිපියෙන් කථා කරන්නම්‍.මේකත් දිගු මාතෘකාවක් නිසා කොටස් කීපයකින් තමා පලකරන්න වෙන්නෙ.

ADSL,WIMAX  හෝ HSPA යන කුමන ආකාරයකින් අන්තර්ජාල සබඳතාවයක් ලබාගත්තත් සේවා සපයන ආයතනය ඔබව අන්තර්ජාලයට සම්බන්ධ කරවන්නේ ආකාර 2 කට.ඒ රැහැන්(CABLE) හෝ චන්ද්‍රිකා(Satellite) මාර්ගයෙන්.මේකෙනුත් නව තාක්ෂණය චන්ද්‍රිකා වුනත් ලෝකයේ සන්නිවේදන කටයුතුවලින් 2/3 කකටත් වඩා කෙරෙන්නෙ මුහුද යටින් එලා ඇති රැහැන් හරහා.මේකට හේතුව තමා චන්ද්‍රිකා සන්නිවේදනයට වඩා රැහැන් සන්නිවේදනය ලාබ දායී සහ වාසිදායක වීම.

මම මේ ලිපියෙන් මුහුද යටින් එලා ඇති සමුද්‍රස්ථ  රැහැන්  ජාලය(Submarine Internet Cable Backbone) ගැන පමණක් කථා කරන්නම්.

Anglo-French Telegraph Company ආයතනය 1850 දී ලොව ප්‍රථම වාණිජ සමුද්‍රස්ථ  රැහැන English Channel හරහා එංගලන්තය සහ ප්‍රංශය අතර එලනු ලැබුවා.මේක තඹ රැහැනක්.1980 පමන වන තෙක් භාවිතාකල රැහැන් සියල්ලම පාහේ තඹ.මේව අත්ලාන්තික් සාගරය සහ පැසිපික් සාගරය හරහා රටවල් ගණනාවක් සම්බන්ධ කලා.1980 දී ලොව ප්‍රථම ප්‍රකාශ තන්තු(Fiber Optic) රැහැන(TAT-8) අත්ලාන්තික් සාගරය හරහා ඉදිවුනා.මෙහි භාවිත වුනේ තරංග ආයාම බෙදුම් බහුපථකරනය WDM(wavelength-division multiplexing) යන තාක්ෂණයයි.
ශ්‍රී ලංකාව 1865 මාර්තු 2 වන දින තලෙයිමන්නාරම හරහා ඉන්දියාවට යෙදූ රැහැනක් මගින් යුරොපයට සම්බන්ධ වුනා.ප්‍රථම විදුලි පනිවිඩය ලංකාවට ආවෙ එය හරහා.1985 දෙසැම්බර් 31 වෙනිදා 13 500 km දිග SE-ME-WE-1(South East Asia-Middle East-Western Europe) රැහැන හරහා ලංකාව ලෝකයේ රටවල් 7 ක් සමඟ සම්බන්ධ වුනා. SE-ME-WE ව්‍යාපෘතියෙ තොරතුරු මෙහෙමයි



  SEA-ME-WE 1 SEA-ME-WE 2 SEA-ME-WE 3 SEA-ME-WE 4
ව්‍යාපෘති ආරම්භය June 1985
(අත්හිටුවීම
June 1999)
October 1994
(
අත්හිටුවීම
October 2006)
August 1999 November 2005
ධාරිතාව/දිග 12MHz
13,500km
2x560Mbps
18,000km
8x2.5Gbps
39,000km
64x2x10Gbps
20,000km
හිමිකරවන් ගණන
සම්පූර්ණ පිරිවැය
22
USD800M
52
USD800M
92
USD1500M
16
USD500M
තාක්ෂණය Analog/Copper PDH/Optical SDH/WDM/Optical SDH/DWDM/Optical


ශ්‍රී ලංකා ටෙලිකොම් ආයතනය(SLT) මෙම SE-ME-WE ව්‍යාපෘතියෙ ‍කොටස්කරුවෙක්.මීට අමතරවBharath - Lanka(ඉන්දියා-ශ්‍රීලංකා) Dhiragu cable(මාලදිවයින-ශ්‍රීලංකා) රැහැන්ද ශ්‍රී ලංකා ටෙලිකොම් ආයතනය සතුයි.

FLAG(Fiber-Optic Link Around the Globe) ව්‍යාපෘතිය යටතේ
FLAG Atlantic                            (FA-1)
Alcatel-Lucent Optical Network (FALCON)
සහ FLAG Europe-Asia              (FEA) රැහැන් පවතිනවා.
ලංකා බෙල්(Lanka Bell)    FALCON රැහැනට මෑතකදි සම්බන්ධවුනා.
අනෙකුත් සේවා සපයන්නන් ඉහත ආයතන හරහා හෝ චන්ද්‍රිකා හරහා අන්තර්ජාල සම්බන්ධතා ලබා දෙනව.
මේ වනවිට ඇන්ටාර්කටිකාව හැර අනෙකුත් සියලු රටවල් රැහැන් හරහා සම්බන්ධ වෙනව.මේවා මුහුද පත්ලෙ එලා ඇති නිසා නැව්වලින් සහ ස්වභාවික ආපදා වලින් හානි වෙනව වැඩියි.

2008 ජනවාරි 30 වැනිදා  SE-ME-WE-4 රැහැන සහ FLAG රැහැන මධ්‍යධරණී මුහුදේදී කැඩී ගියා ඉන්පසුව FALCON  සහ Qtel රැහැන්ද පෙබරවාරි1 සහ 3 කැඩී ගියා.අයහපත කාලගුණික තත්වයන් නිසා නැව් අයාලේ යාම මෙයට හේතු වී තිබෙනව. 2010 අප්‍රියෙල් මාසයෙත්  SE-ME-W-4  රැහැන  ඉතාලියේ Palmero ආසන්නයේදී කැඩී ගියා.


වාණිජ සමුද්‍රස්ථ  රැහැනක හරස්කඩ.             

1 - Polyethylene
2 - Mylar tape
3 - Stranded steel wires
4 - Aluminium water barrier
5 - Polycarbonate
6 - Copper or aluminium tube
7 - Petroleum jelly
 8 - Optical fibers        


 මේ පිලිබඳ වැඩිදුර තොරතුරැ ලබාගැනීමට පහත වෙබ් අඩවි වලට පිවිසෙන්න.

http://en.wikipedia.org/wiki/Submarine_communications_cable
http://www.underseacable.net/History.htm

චන්ද්‍රිකා  තාක්ෂණය ගැන ලිපියකින් නැවත හමුවෙමු.




Isura Nirmal

Some say he’s half man half fish, others say he’s more of a seventy/thirty split. Either way he’s a fishy bastard.

5 comments :

ඔබේ අදහසත් ලබා දෙන්න.ස්තුතියි!