Add caption

දැනට ලැබෙන නිල නොලත් තොරතුරු අනුව Hutch 3.75G 19 වනදා නිල වශයෙන් දියත් කිරීමට නියමිතයි. 20 වනදා සිට පාරිභෝගියකයන්ට භාවිතා කිරීමටද ලැබෙන බවට තොරතුරු ලැබෙමින් පවතිනවා.

Hutch 3.75G ගැන කියල මම මීට පෙරත් Post එකක් දැම්ම කට්ටියට මතක ඇති. ඒක මෙතනින් බලන්න.

දැනට ලැබෙන ‍තොරතුරු අනුව Hutch මගින් 1GB රු 151 කටද ලබාදීමට නියමිතයි. ඒ වගේම lankaCom සහ TATA ආයතන මගින් අන්තර්ජාල සම්බන්ධතාවය ලබාගෙන තිබෙන Hutch 3.75G වල speedtest results කීපයක්ද ලැබී තිබෙනවා.

Etisalat 3.75G ලබාදුන් මොහොතේම වගේ Dialog සහ Mobitel තාක්ෂණයේ තවත් ඉදිරි පිම්මක් ගොස් 4G LTE ජාල පරීක්ෂණ මට්ටමින් ක්‍රියාත්මක කලා.මුල් Post එකකින් Mobitel LTE ජාලය ගැන කිව්වට Dialog LTE ජාලය ගැන කියන්න තරම් තොරතුරු දැනගෙන හිටියෙ නෑ.

දැනට කොලඹ නගරයේ පමණක් ස්ථාපනය කර ඇති මෙම ජාලය තවමත් පරීක්ෂණ මට්ටමෙන් පවතින්නෙ.තාම මේ පහසුකම් ලබාදී ඇත්තේ නගරයේ Colombo Fort, Colombo 2, 3 and 4 and Narahenpita කුලුණු 10 කට ආසන්න ප්‍රමාණයකට පමණයි.වේගය නැරඹීමට අවශ්‍ය නම් Darly Road හි පිහිටා ඇති Dialog Future World වෙත පිවිසිය හැකියි.

දැනට දක්වා ඇති පරිදි Indoor සඳහා 127Mbps වැනි වේගයක්ද? Outdoor සඳහා 55Mbps වැනි වේගයක්ද පෙන්නුම් කර තිබෙනවා.(HSPA වල නම් මේකෙ අනික් පැත්ත)

පහත ඇති තොරතුරු Dialog FB Fan page එකේ පලවුන දේවල්.(වීශාල කර බැලීමට ඒ මත click කරන්න)


සාමානයෙන් 127.4Mbps උපරිමයක් පෙන්නුම් කලත් 100Mbps පමණ ස්ථාවර වේගයක පවතින බව පේනව.

මේ සඳහා තාක්ෂණික දායකත්වය Huawei Technologies මගින් ලබාදෙනව.
Mobitel LTE ලිපිය දාපු වෙලාවෙත් කෙනෙක් මේ ගැන කියල තිබුනත් මම කිව්වා වගේම මෙකත් තාම පරීක්ෂණ මට්ටමේ පවතින්නෙ.  TRC මගින් තවමත් නිශ්චිත සංඛ්‍යාත පරාස වෙන් කරල නෑ. වැඩි විස්තර අවශ්‍ය නම් Dialog FB Fan Page එක බලන්න.

Etisalat 3G වශයෙන් දියත් කිරීම නිවේදනය කලා.මේ ගැන posts කීපයකින්ම කතා කල නිසා තව කියන්න යන්නෙ නෑ.විස්තර සියල්ලම දැන් www.etisalat.lk  වලින් බලාගන්න පුළුවන්.

දැන් ලංකාවෙ 3G ජාල 4ක්ම තියෙනව.ඇත්තටම අපිට ආඩම්බර වෙන්න පුළුවන් ලංකාව කුඩා රටක් වගේම ආසියාතික රටක් වෙලත් කලාපයේ වෙනත් රටවල් වලට සාපේක්ශව ඉදිරියෙන් ඉන්න එක ගැන.

නමුත් සෑම ජාලයක්ම සෑම තැනක්ම ආවරණය කරල නෑ. මේ පහතින් තිබෙන්නෙ ජාල 4ම 3G ආවරණ කලාප සිතියම් කීපයක්.


Mobitel 3G

Dialog 3G
Airtel 3G

මොබිටෙල් ආයතනය දකුණු ආසියාවේ ප්‍රථම වතාවට LTE(Long Term Evolution ) ජාලයක් දියත් කීරීම සඳහා BOI සමඟ ගිවිසුම් අත්සන් කර තිබෙනවා.LTE හදුන්වාදිය හැක්කෙ 3.9G හෝ 4G ආකාරයේ ජාලයක් ලෙසයි.

දැනට ලබා දී ඇති තොරතුරු වලට අනුව දැනට පවතින 3.5G/2.5G ජාලයේ යාවත්කාලීන කිරීම් සහ ප්‍රථම අදියරේදී LTE දක්වන සම්ප්‍රේශන කුලුණු 1000 ක් ඉදිකිරීම සඳහා US$ මිලියන 60  ක මුදලක්  ආයොජනය කර තිබෙනව.මේ සඳහා තාක්ශණික දායකත්වය ලබාදෙන්නේ ZTE ආයතනයයි.


මොබිටෙල් LTE ජාල සංවර්ධනය සඳහා සැලසුම් කලේ 2009  වර්ශයේ සිටමයි.
http://www.mobitel.lk/about/news_press_releases/news_press_2009_mobitel_strikes_with_its_pledge_to_launch_ngn.html


2009 වර්ශය වන විට ලෝකයටද මෙය අලුත් තාක්ෂණයක් වුණා.දැනටද LTE සඳහා සහය දක්වන ජංගම දුරකථන සහ Modem පවතින්නේ ඉතාමත් අඩුවෙන්.මෙහි ඇති ප්‍රධානතම වාසිය මෙහි පවතින්නාවු වේගයයි. භාගත කිරීමේදී/Download  100Mbps දක්වාද උඩුගතකීරීමේදී/upload 50Mbps දක්වාද වේගයක් ලබාගත හැකියි.
මේ සඳහා අනිවාර්යයෙන්ම Mobitel හට කුලුණු සම්බන්ධ කිරීමට  fiber optic තාක්ෂණය භාවිතා කිරීමට සිදුවේවි.


තවමත් මෙම ජාලය දියත් කරන දිනයක් නැති වුනත් අවුරුද්දක් වගේ ඇතුලත ලැබෙයි කියන්න පුළුවන්.


LTE ගැන තවදුරටත් දැනගන්න අවශ්‍ය නම් GSM සවිධානය මගින් මේ පිලිබදව ලබාදී ඇති තොරතුරු බලන්න www.gsmworld.com/technology/lte.htm


ඒ වගේම wikipedia වලත් මේ පිලිබඳව තාක්ෂණික තොරතුරු අන්තර්ගතයි.




ETISALAT 3G තාමත් නිලවශයෙන් ලබාදී නෑ.නමුත් දැන් වෙබ් අඩවිය මේ පිලීබඳ යාවත් කාලීන කර අවසන්.දැනට 3G base station සියල්ලම පාහේ ක්‍රියාත්මකයි. speedtest තරපු අය ඉන්නවනම් ප්‍රෙද්ශයත් සමඟ තමන්ට ලැබෙන speed එක සඳහන් කරන්න.